Sumar sumar sumar

Við erum búinn að vera svo upptekinn að undanförnu að það gleymdist alveg að blogga um ævintýri litla úlfsins okkar. Við erum búinn að bralla ýmislegt og Úlfur er orðinn voða stór strákur. Hann er farinn að blaðra mikið og er í miklu sjálfstæðiskasti þessa dagana, labbar út um allt og þykist ráða öllu :)
Við fórum í sumarbústaðinn hjá fjölskyldunni hans Ella og skemmtum okkur konunglega í góðra vina hópi. Krakkarnir voru í essinu sínu og Júlíus, strákurinn þeirra Stínu og Óttars, var ómetanlegur á morgnanna og lék sér við Úlf í marga tíma. Úlfur fríkaði alveg út í náttúrunni og hljóp út um allt - alla daga, allan daginn!
Stóru strákarnir voru hins vegar í vígahug og fóru á geitungaveiðar niður við Þingvallavatn. Öll göt á fötunum voru teipuð saman og útbúin voru mikil og stór banatól :) Útkoman var eitt vel brennt geitungabú og 4 strákar í adrenalínsjokki. Við borðuðum góðan mat og skemmtum okkur á bát, sjóskíðum og úti í náttúrunni og Úlfur náði að prófa bakpokasætið sem hann fékk frá ömmu Stínu og afa Nonna - þvílíkt fjör!

Júlíus að lesa fyrir Úlf :)

Þeir komust í bjórinn - þóttust drekka og hlógu mikið

Geitungabananarnir mættir

Eldvarpan notuð á búið... úff

Eitt sviðið geitungabú takk!