Pabbi er alltaf duglegur

Jæja þá er stóra stundin runnin upp, ég ætla að blogga. Við eigum enn eftir að birta myndir frá jólum og áramótum og koma þær hér fyrir neðan.

Byrjum á Þorláksmessu, þá fórum við upp á efri hæðina á Ásvallagötu til langömmu og langafa. Ég man ekki eftir að hafa séð skötu áður en ég get með góðri samvisku sagt að hún lítur jafn illa út og hún lyktar. Úlfur lét þetta samt lítið á sig fá og skemmti sér konunglega.

Úlfur strax kominn í jólaskap

Villi frændi líka í jólaskapi en ekki með húfu eins og Úlfur

Svo á aðfangadag fórum við til Stínu ömmu og Nonna afa. Þar fengum við alls kyns kræsingar og heilan haug af pökkum. Úlfur var alsæll og vildi alls ekki fara að sofa enda sjaldan sem maður fær jafn mikið af pökkum á einum og sama deginum.

Um að gera að slappa aðeins af fyrir átök kvöldsins

Úlfurinn að komast í stuð

Litla fjölskyldan (pabbinn soldið þreyttur)

Þetta fékk fullorðna fólkið í forrétt, lobster pick me up...

...en Úlfur fékk graut :(

Allir nema Úlfur við matarborðið

Í pakkaflóði

Á maður ekki að borða þetta?

Úlfur með húfuna fínu frá Hönnu Cörlu jr.

Úlfur með Tomma, sem hann fékk frá langömmu og langafa á Ásvallagötu

Kominn í náttfötin og ennþá að opna pakka

Litli snúðurinn alveg búinn á því